8 Bicolanong Rep dai nagpirma sa impeachment vs VP Duterte

Walong mga Bicolanong representante dawa kaalyado kan administrasyon ni Presidente Ferdinand Marcos Jr. iginilid na magpirma sa impeachment complaint contra ki Bise Presidente Sara Duterte.

Sinda kinababalehan kan mga minasunod, Elizaldy Co kan Ako Bicol Party list asin dating chairman kan poderosong appropriation committee; Joey Salceda kan segundo distrito kan Albay na candidatong gobernador sa maabot na midterm elections; Bryan Raymon Yamson kan Bicol Saro Party list; Gilbert Lee kan Agri Party list na candidatong senador; Rosemarie Panotes kan segundo distrito kan Camarines Norte; Marie Bernadette Escudero kan premirong distrito kan Sorsogon; Ricardo Kho kan premirong distrito kan Masbate; Olga Arah Kho kan segundo distrito kan Masbate; asin Wilton Tonton Kho kan tercer distrito kan Masbate.

Sa mga representante sa Bicol solamente si Rep. Gabriel H. Bordado Jr. kan tercer distrito kan Camarines Sur nagpirma sa endorsement sa tolong sinangat na mga impeachment case laban ki Duterte.

An Camara-Baja kan Febrero 5, 2025 nag-impeached ki VP Duterte na pormalmenteng sinangatan nin ‘‘serious breach of the Constitution’’ na posibleng dagos na siyang matanggal sa posisyon.