98.9 % nakarehistro na sa Nat’l ID System kan PSA Bicol

Naghihinapos na an nagpapadagos na pagparehistro sa National ID System sa Philippine Statistic Offices Bicol mantang nag-abot na sa 98.9 por ciento an nakarehistro na piglalaom matatapos ngunian na taon.

Sa pinaluwas na datos kan PSA Bicol an sinambit na por ciente kan nagparehistro katampad sa 5.04 milyon, huli kaini hagad kan ahencia dai magcooperar an publico orog na si dai pa rehistro magpalista na sa saindang mga opisina cada provincia kan rehiyon Bicol.

Sa listahan kan PSA an Camarines Sur igua nang 1.6-M, Albay iguang 1.1-M, Masbate nag-abot na sa 829,600, Sorsogon nag-abot na sa 701,900, Camarines Norte nag-abot na sa 526,500, asin Catanduanes igua nang 261,900.

Sa mga nag-eedad nin abot sa 4 anyos, sinabi pa kan ahencia nakalista na an 81,200.

Sa tahaw kan reclamo na ribo-ribong mga registrants an nagsabi na atrasado an pag-abot kan saindang national ID, alagad sinabi kan ahencia nakapaluwas o naipadara na ninda an 3.11 milyon sa paagi kan Post Office.

An ID kan PSA magagamit dawa saen na transaksyon maging sa bangko huli ta ini reconosidong valid ID kan gobierno.