An ARTE Sa Kantong Putikon

Bako man ining tungkol sa kaartihan o mga pasale sa irestoryahan kundi an boot sabihon kan ARTE iyo an “Advocates for retail, fashion, textile & tradition, entertainment events, & creative sector. Maogmang pig akseptar kan mga pag iriba sa Kantong Putikon, an imbetasyon ni ARTE South Luzon coordinator Bong Franco na saindang purbaran an magayon na benepisyo na itatao kan ARTE Party List na pinapamayuhan beauty titlist na si Shamcey Supsup, an naging Miss Philippines, asin runner up sa Miss Universe. Sigun ki Bong Franco, nagkukusog ang ARTE digdi sa Camarines Sur ta Saiya nang pinag pasyaran an mga barangay sa mga kostal asin kabukiran. Pinaliwanag ni Bong Franco na nagustuhan kan mga taga baryo an katuyuhan kan ARTE na lalo pang pakusogon an kaaraman kan mga Pilipino sa linya nin retail, an tungkol sa pagpa gayon kan sadiri, asin fashion,tungkol sa pag aartista asin mga shows. Alagad pig linaw ni Bong Franco na saros magayon na misyon kan ARTE iyo security of tenure kan mga empleado, libreng edukasyon, pag haman nin mga leyes asin ang inaapod na innovation. An mga political analysts sa Kantong Putikon na kinababalihan ninda Darius Beqquillo, Alex Parfan, Bert de los Martirez, Ron Enon, Gabby Casimiro, Joe Grageda, Randy Sto. Domingo,Bembot Pereda, Joel Borja, Ervin Borja, Jimmy Obiedo, Jake Fortaleza, Rene Orllosa, Edwin Lara, asin Bong Franco, anas nagpahayag nin kaogmahan ta an Kantong Putikon na yaon sa SM City saro sa Napili kan ARTE na purbaran an marhay na katuyuhan kan ARTE. Si Bong Franco na mas bisto sa apod na Hot Choko, an saro na ngonian sa masibot na miembro kan Kantong Putikon ta ini, nagbabaklay sa mga kostal asin mga kabukiran tanganing ipaliwanag an katuyuhan kan ARTE Party list. Naipangako man nil Bong Franco sa mga pag iriba na oras na suertehon an ARTE Party List, ini dai matalikod sa mga bikolano s a linya nin pagtrabaho sa fashion, showbiz, asin dakul pang iba. Halat ngonian kan kanton putikon asn pagbisita kan magayon na si Shamcey Supsup na mataong press conference sa Kantbng Putiko.