Andaya Highway balik na sa two lane - DPWH

Magian na sa bulos nin trafico an Andaya Highway matapos bukasan na kan Deciembre 28, 2024 sa two-lane sa Lupi, Camarines Sur sa orden kan DPWH Bicol.

Nagtarabang an mga trabajantes kan 1st asin 3rd Engineering District kan Department of Public Works and Highways sa Camarines Sur na tarambakan nin daga an irarum kan kunkretong tinampo sa Barangay Cabutagan, Lupi na nagdara kan haloy na problema sa bulos nin trafico.

An pagbagsak kan daga sa sinambit na lugar dara kan perang aldaw na uran huli kan shearline.

Kan nag-aatubang pa sa problema sa trafico an Andaya Highway nagtarabang an LGU Lupi, Land Transportation Office, Highway Patrol Group asin PNP nganing magmantenir sa dalagan kan mahibog na trafico.

Sa ngunian buelo na an dalagan kan trafico matapos kan holiday season mantang ginatos naman na motorista an mabalik sa Manila matapos kan halawig na bakasyon.