BAYANIHAN

Tigsik ko ining kapalibutan

Inabuso saka pinabayaan

Anggot! Ruminisbak sa kinaban

Nagdelubyo! Winalat kagadanan!

Tigsik ko an bantay sa kabukidan

Mayong nadadakop parapalod kakahoyan

Kawasa yaon sa kapatagan

Naghihilom kan sogoc sa tagahan!

Tigsik ko an panahon kan bagyo

Minabutwa duwang klaseng tawo sa mundo

Primero, sa daghan may Santo Cristo

Ikaduwa, kampon kan Demonyo!

Tigsik ko an mga epal sa banwa

Praise the Lord! Nagwaras nin ayuda

Kuntodo may tarp nakabandera

Nagpicture-picture, cute na cute abaa na!

Tigsik ko an Tugalsik na magulang

Rinibong sakong bagas an isinaray

Ruminasay! Siya nadatugan

Pusi an tulak, an dila walwal!

An gawing Bayanihan tigsik ko man

Gabos na magabat minagean

Basta sararo saka sarabay

Luwayluway kinakaya, Magayon an Buhay!