Bisekleta Tour

Ta mayo man kitang kwarta tanganing mag tour sa Manila, sa Cebu asin sa Ilokandia, tama na an kakarag-karag na owner-type jeep asin magayon na bisekleta. Masiramon tabi na mag tour sa sadiring lugar lalo na digdi sa laog kan Naga City. Antes kan sakuyang itenirary , pinapa abotan ko nin “ Congratulations” si Mr. Elmer Baldemoro, #5 sa balota sa pagka Councilor kan Naga City, ninhuli ta sa sakuyang paglibot libot sa mga sitio sa Naga, interong lataw an saiyang pangaran na siguradong malaog sa top 3. Magayon palan mag pasyar sa mga sitio tanganing mahiling an magagayon na lugar sa Naga asin makaulay an mga taga baryo asin dagos nang hapoton kun siisay an makusog na councilor asin digdi nanginginotan an pangaran ni #5 Elmer Baldemoro. An harayong lugar kan Sitio Yabo, Sitio Caromatig, asin Sitio Karogkog anas sakop kan Carolina, maogmang pasyaran gamit an bisekleta na nakalunad sa atop kan sakuyang jeep. Magayon an hoyop nin doros mantang nag oorogma an mga residentes sa pag gutos nin kalonggay, patola, natong asin upo na libreng pinag hahagad sa mga kataraid. Inabot man kan sakuyang bisekleta an Sitio Bagong Sirang diyan sa Sabang, asin nakaistorya an mga residentes na kadaklan sainda mga may panienda sa Supermarket, iguang para gibo asin para tienda nin Ice Cream asin ang iba nagkakayod nin Padjak. May sadit na komunidad sa San Felipe, na igua man nin sadiring “población” na pinagtitipon tiponan kan mga residentes, iyo ini an Sitio Matiway na an agi, puede sa Balatas pagbalyo sana sa tulay. Sa pag tour ko sa mga sinambit na sitio, naging ugali ko an maghapot sa linya nin pulitika. Haros mayoria kan mga hinapot ko nagsasabi na makusogon asin saindang susuportaran si Elmer Baldemoro sa rason na iyo ini an pinaka madaling dulokon sa City Hall asin pirmeng naka huyom asin magalang na kaulay. An mga Ama, Ina asin mga Jovenes, kumbinsido sa performance ni Elmer Baldemoro ta magayonon an saiyang mga programa sa linya nin karahayan para sa mga kaakian, mga benepisyo para sa PWD, asin mga solo parents. Magayon man na maglakaw lakaw sa NCPM lalo na sa 3rd floor ta maogmang kaulay an mga paratienda nin Maritatas, mga paratienda nin kamote asin batag. Sinda sa supermarket, dati nang suportador ni Elmer Baldemoro magpoon pa kan magi ining Councilor poon 2013 abot 2022. Sa survey kan kan nga estudyantes sa UNC asin Ateneo, naglaog sa Top 3 si Elmer Baldemoro dahil sa ginibo niyang ordinansa na “Summer Employment For Enrollment “ na dakulang tabang sa mga pobreng estudyante. Sa pagbisita ko sa Concepcion Grande, tunay na padangat siya kan mga residentes ta si Elmer Baldemoro nagpoon magserbe sa Barangay bilang Sangguniang Kabataan Kagawad, naging mahigos na Barangay Secretary, sagkod naging Punong Barangay kan 2007-2013, nagsakat sa pagka konsehal kan Naga asin naging City Administrator 2022-2024 kun kaya tunay na expert na sa Public Administration kaya ngonian nag pursue siya nin kursong Executive Doctorate in Leadership sa University of Makati. Tunay na maogma an makipag istorya sa mga taga Sitio sa laog kan Naga City ta digdi niato na pupulsuhan kun siisay an ganador na Konsehal sa Sangguniang Panglungsod.