C O M E D Y

Tigsik ko po an Super Alalay

Grabeng palakpalak, sobra an ilay

An hiroon makulogon sa bangs

Dinaog pa an Among na tunay!

Tigsik ko an magayonon na si Ma'am

Nadestino sa rukarok na coastal

Sa patukadtukad, pasakaysakay

Naagom kan huslaon na istambay!

Tigsik ko si Provincial Director

Hipid an porma, ayos an titindogon

Pagbisita sa estacion, sagad sa foods, inom

Paghale, omok-omok sa pabalon!

Tigsik ko si Mayor Paghanapon

Madaling dulukon, deficil dakopon

Sa padulagdulag mauragononon

Garo nang talusog, mahalnason!

Tigsik ko ining si Bokal Ribaraw

Palakpalak na kun saen-saen na lugar

Dae mo madakop o maabotan

Sadiring teritoryo daeng pag-alamaam!

Tigsik ko an trabaho kan gobernador

Minsan, nagigin ngingiritan kan kadakol

Sa weder-weder na deficil espellingon

Nagigin comedy an class suspension!