Calabanga (Part 2)
![](https://static.wixstatic.com/media/93486f_029019c2343b43598340114040cd0ed8~mv2.jpg/v1/fill/w_980,h_419,al_c,q_85,usm_0.66_1.00_0.01,enc_auto/93486f_029019c2343b43598340114040cd0ed8~mv2.jpg)
Kadaklan kan nakabasa kan column ko tungkol sa Calabanga gustong maguin ciudad na an banwaan ta kun habo an mga taga-Pili, an mga taga-Calabanga preparado na.
An Pili 27 sana an barangay alagad an Calabanga 48.
An Pili apesar na capital town kalaban kan gobernador an mayor asin sagkod ngunyan dae pa napapakarahay an Naga Airport na yaon sa laog kan banwaan sa barangay Cadlan.
An mediaman na si Bong Franco tulos-tulos nagsabi sakuya na may mga nalingawan ako na mga outstanding Calabanguenyos. Enot, si dating Mayor Ruben B. Medroso na haloy nagpara- alkalde sa Calabanga. Makusugon siya sa mga barangay sa bukid asin naguin presidente pa kan Camarines Sur Mayors’ League kan kapanahunan niya.
Saro pang outstanding Calabanguenyo si Don Fidel “Totoy” Cu, an may saderi kan Avenue Hotel sa Naga asin dating bankero na may saderi kan Rural Bank of Nabua. Dati man siyang chairman kan KBP Community Advisory Board sa Camarines Sur.
Idtong depuntong parasurat asin PRO kan capitolyo Tito J. Levasty kan barangay Sabang. Si Uy Tiong Pin an hade kan San Miguel Bay asin “Badi King” of the Philippines, may saderi kan heganteng NFH Enterprise sa Milaor saka dakulon negosyo bako lang sa daga kundi sagkod sa kadagatan kan Ragay Gulf o tibaad pati abot pa sa South China Sea.
Si depuntong Engr. Totoy Reorezo na nagpuli sa Calabanga asin Naga, nagpatugdok nin darakulang harong, an saro sa Jardin Real de Naga kun saen an laog kan saiyang mansion igwang espasyo para sa Kantong Putikon na kapehan kan mga retirado, mediamen asin politiko, may halangkaw na monumento ni Leni Robredo, may facade kan Ateneo de Naga asin Colegio de Santa Isabel, may dakulaon na bukid Isarog asin Mount Mayon asin kun anu-ano pang estruktura palibhasa may paragastos.
Si Lion hermana Marlet Encilio- Palma na biyahe sanang biyahe sa man iba-ibang parte kan nasyon pati sa abroad. Naguin chairman siya kan SB Kamaynilaan na inimbitaran si Rick Diaz sa saiyang induction.
Si Don Jaime Obon Dumalasa sekretong milyonaryo, idtong depuntong regional director kan DPWH Jake Tria kan Quipayo. Idtong depuntong Mayor Salvador Castilla kan Pamplona na namundag sa Quipayo, si depuntong Gil Bordado dating municipal agriculturist kan banwaan asin an saiyang biuda na si Emily Bordado, retired regional PRO kan department of agriculture, si Adonis Aguilar na ngunyan saro nang municipal kagawad, broadcaster Tess Binondo, Brigada announcer Joel Jeremias, Mr and Mrs Daliva, the husband and wife painting tandem, Teddy Gagalac, parauma nagtapos UPLB, nagpuli sa barangay Paolbo tanganing magtanom mais. Marhay makisama kaya nakipagpaki-inuman sa mga tao duman sagkod na magadan, Pedro Tordilla, retired executive kan Bangko Sentral, depuntong PSDS Jose Tordilla, Engr Bebot Tordilla, Peping Palma na may mahiwas na farm sa barangay Santo Domingo, ex-vice-mayor Aping Palma asin kadakul pang iba.
Sagkod ngunyan pighahalat pa kan mga taga-Calabanga an desisyon ni Congressman Gabby Bordado na magrehistro bilang botante kan banwaan tanganing magkandidato nin alkalde norong taon.
An sabi kan mga nagmamasid pag si Bordado magkandidatong mayor kan Calabanga seguradong makandidatong bilang congresswoman si ex VP Leni Robredo sa terser distrito kan Camarines Sur laban ki negosyanteng Nonoy Magtuto.
Maski an Naga asin Pili mag-iba ki Nonoy pero kun an Calabanga dae tibaad magka-igwa nin remalaso an kandidatura ni Nonoy arog kan si nangyari kaidto sa Partido.
Saka an Calabanga dae mahothot nin kuarta ki Bordado kun siya mag-aspirar na maguin alkalde.
Correction sa Calabanga I: Kristsuper imbes na Christopher.
Sori. Thank you.
Comments