Candlelight memorial sa HIV/AIDS ginibo sa Albay

Piggirumdum kan Department of Health Bicol Center for Health Development (DOH Bicol), an pagmundo sa rinibong binawian buhay na kinapitan nin Human Immunodeficiency Virus-Acquired Immune Deficiency Syndrome (HIV/AIDS) kasabay kan International AIDS Candlelight Memorial Ceremony kan Mayo 17, 2024 na ginibo sa Ciudad nin Legazpi.

Sa datus kan Deciembre 2023 – igua nang 126,387 HIV asin AIDS cases sa Filipinas poon kan 1984 mantang naglalangkaw pa an caso sa ibang mga ciudades.

An candlelight memorial may tema: ‘Put People First: Kandila ng Pagkalinga, Liwanag ng Pag-asa’’ pinangenotan kan Albay Provincial Health Office kasabay an Gentleman Bicol For Sexual and Reproductive Health and Rights Inc. asin iba pang organisasyon na may advocacia laban sa sinambit na helang.

Presente sa ceremonya sa pagsulo kan kandila si Dr. Rosa Maria Rempillo, OIC Assistant RD kan DOH, na nag-aapelar sa publico na mag-aprubetsar kan libreng confidential HIV testing an arin man na indibidwal komo kampanya laban sa sinambit na helang.