Casureco II mapalangkaw naman tarifa sa kuryente

Liwat malangkaw nin singil sa tarifa kan kuryente an Camarines Sur II Electric Cooperative (Casureco II) epektibo ngunian na June billing sa cantidad na 80 centavos cada kilowatt per hour (KWH).

Dawa na ngani nagsusuplay na nin kuryente an Power Sector Assets & Liabilities Management Corporation (PSALM) na nagpapabakal sana P5.00 na generation cost cada KWH kumpara sa ibang power suppliers na inaabot nin P12.00 cada kwh alagad an dahilan kan Casureco II huli kan halangkaw naman na consumo nin kuryente epekto kan El Niño asin naglalangkaw naman na generation cost kan iba pang mga nagsusuplay nin kuryente sa cooperativa.

Ini an kumfirmasyon kan Casureco II sa paagi kan saindang opisyal na parataram Rinner Bucay mantang daing gayo namamate kan manijamiento an baratong generation cost kan PSALM.

An PSALM limitado sa 10MW generation capacity na pigsusuplay sa cooperativa na nagpopoon sana sa alas 10:00 nin aga hasta alas 7:00 nin banggui.

Magigirumduman sa order kan Energy Regulatory Commission, pig-implementar kan Casureco II an pagtapyas sa tarifa asin ibaba sa P11.29/kph kan Mayo 19, 2023 hale sa halangkaw na tarifa na cantidad P17.00.

Nagsugo pa an ERC nin ‘‘refund’’ huli kan ilegal na pig-imner na halangkaw na tarifa sa kuryente mantang an dahilan kan cooperativa huli sa halangkaw man pinapabakal kan presyo sa generation cost hale sa saindang power suppliers. (DA)