Dawani, Bicol Magazine

Kung saindong magigiromdoman an mga babasahon kaidtong mga inot na panahon kan dai pa uso an internet, maogmahon magbasa kan Reader’s Digest, Time Magazine, asin mga national magazine arog kan Women’s, Mod, asin iba pa. Ngonian, igua na nin mas magayon na Bikol Magazine, iyo ini an “ Dawani” na an boot sabihon rainbow. An Dawani magazine, inisyalmemnteng pinaluwas kan bulan nin July asin an ika duwa asin may pina gayon na isyu ipapaluwas sa amay na parte kan Deciembre ngonian na taon. An Dawani iguang magayon na mga pahina ta ini iguang kolor asin magayon an pagka imprenta kan Goldprint asin kan Bicol Mail. Sa paliwanag ni Sumaro Bikolnon President Ramon Olano, mahihiling asin mababasa sa sunod na Dawani Magazine an mga importanteng historya kan bikol sa tabang ni Historian Danny Gerona, yaon an an mga short stories ni Bert de los Martirez, ipapahiling man an mga magagayon na retrato nin mga bihira pang mabisita na mga lugar sa kabikolan arog kan mga falls, beaches, asin kabukiran, iyan sa paagi man kan Philwiki sa pamamayo ni Ervin Parco; yaon man sa Dawani an mga Rawit-dawit, tigsik, mga tulang bikol asin kastila na gibo nin mga bikolanong parasurat. An Dawani, magayon na ipang regalo sa mga napupungaw na mga bikolano na nag iistar sa America asin Yuropa. Ipinag mamalaki ni Ramon Olano an pagiging editor kaini na si Eilyn Nidea, sarong teacher kan RNAFS asin Director kan famosong Teatro Ragayano. Sa pagmawot na masimbagan kan Sumaro Bikolnon an gastoson sa pag imprinta kaini, igua nin mga pahina na ibinebenta sa advertisers sa rasonableng presyo. Ang Dawani mababasa maging sa internet asin puede man sa magazine mismo ta ini, pig hahagad na ikaag man sa gabos na escuelahan sa kabikolan kaya lakop an distribusyon kaini tanganing mahiling kan mga bikolanong nalilipungaw sa pagbasa nin magazine . Isasabay sa launching kan ika duwang isyu kan Dawani sa Deciembre iyo an awarding sa mga Bikolanos na nagpahiling nin marhay na gibo sa linya nin, Arts. Literature, Movies, Community Service asin dakul pang iba. Dawani sarong bikolanong magazine ,madali nang ipaluwas.