DOH Bicol nagpatanid sa publico maglikay sa dehydration, heatstroke

An Department of Health (DOH) sa Bicol nagpatanid sa publico na saro naglalangkaw na caso ngunian iyo an heatstroke asin dehydration sa tahaw kan nasa bulan nin tag-init.

Si Dr. Xavier Vallejo, Medical Officer III kan Infectious Disease nagpahayag na an heatstroke asin dehydration kaipuhan likayan kan publico ngunian na tag-init. Kun dai man nin gigibohon dai magparaluwas nganing segurohon an saindang salud na makaibitaran sa sinambit na helang mas marhay pang nasa harong na ngona.

Laen pa sa sinambit na halangkaw na caso sa ngunian dapat maglikay man sa sore eyes, food poisoning, dengue, rabies asin diarrhea.

An mga City asin Municipal Health Officer sa manlaen-laen na ciudades asin municipalidades saro man ini sa saindang kampanya sa publico na maglikaw sa heatstroke, dehydration asin iba pa na nakukua ngunian na tag-init.

Kun nakakamate na posibleng huli sa sinambit na helang puedeng magpaconsulta sa mga CHO, MHO o sa mga health center.

Nag-aviso pa an ahencia na dapat bastante an pag-inum nin tubig o magbalon nin bottled water kun maluwas o iguang aatendiran na actividad.