Ervin Borja Aki Nin Tinambac

Namundag na an sarong tawo na iyo an pinagtutubudan mapabisto sa interong kinaban kan kagayonan kan Banwaan nin Tinambac, digdi sa Camarines Sur. Haros lakop na sa interong Tinambac, an orolay olay na, madali nang ma-realisar an saindang haloy ng pangitorogan na an padangat nindang banwaan nin Tinambac maging sarong lugar na magayon na istaran, malinig an doros, malinig an kadagatan, sagana sa mga agricultural products, gulping hayopan arog kan Vaca, Orig asin Manok, may mahiwas na paroyan, pinag kukuanan nin masisiram na klase nin sira gikan sa duwang dagat, ini an San Miguel Bay asin an Pacific Ocean. An kurahaw asin hinghing kan mga propiong taga Tinambac iyo an pangaran na Ervin Tuy Borja, na pinag hahagad na magdalagan bilang Vice Mayor sa 2025. Si Ervin Borja mismong namundag sa Tinambac, asin gikan sa mga iginagalang na familyang Borja, Tuy, asin Ocampo. Kan ako yaon pa sa UNC College amay na parte kan decada 80, naging kaklase ko si Ervin Borja ta pareho kaming nagkukua nin Accounting. Sa UNC Campus saro si Ervin Borja sa bistadong matibay sa klase lalo na sa linya nin Economics, nakapagtapos siya nin Commerce asin nag escuela nin Law sa UNC, alagad napadalagan siya sa pagiging US Navy sagkod na nagbalik sa Tinambac tanganing magserbe. Kan ako, minsan pang nag istar sa Campo 4 asin Bagacay kaidtong decada 70 ta sadiri kong tawo an mga Villamor, nahiling ko an kagayonan kan Tinambac, asin ini sakuyang pinag komparar sa famosong Isle of Capri, sarong Isla sa Bay of Naples sakop kan Italy. An Isle of Capri, popular na bakasyonan kan mga mayayaman na tawo sa kinaban, iyan arog man kan Tinambac na sarong lugar na yaon sa may kadagatan na iyo an San Miguel Bay. Magayon an kamugtakan ni Ervin Borja duman sa America, alagad mas ginusto niya an magretiro asin magbalik sa Tinambac ta gusto niyang makatabang sa mga kinapobrehan sa banwaan na dapat maiha’was sa masakit na pagbuhay. Sa kahagaran kan mga tawo, sa pagtulod kan mga Kapitanes de Barangay, si Ervin Borja, madalagan sa pagka Vice Mayor kan Tinambac asin iyo an pinagtutubudan na ganador ta kadakol an nagsusuporta saiya lalo na an mga kasaraditan. Intensyon ni Ervin Borja, na magkaigua nin marhay na hanapbuhay an mga tawo. Magka igua nin mahiwas, malinig, asin progresibo na Market an Tinambac. Papa asensohon an mga tourist spots arog kan mga beaches sa San Miguel Bay asin an pag hanap nin mga investors tanganing magkaigua nin dakulang Puerto sa Tamban. Sigun ki Ervin Borja, an Tinambac iyo an nanginginotan sa Provincia nin Camarines Sur, kung kayamanan sa bukid asin dagat an pag oorolayan. Sa samuyang paglibot sa mga kostales asin kabukiran kan Tinambac, samuyang nahiling sa mga harong an retrato ni Ervin Borja na dai ninda pig hahale maski luma ta para sainda si Ervin Borja iyo an masalbar sainda pasiring sa marhay asin matuninong na buhay. Maabot an aldao, an banwaan nin Tinmambac, bibistohon na mayaman na banwaan asin ini magiging sarong Ciudad kaya aapodon ining City of Tinambac.