Food safety group binilog kan DA Bicol

Pili, Camarines Sur --- Tanganing pakusogon an mga dating ginigibo kan nagkaperang regulatory agency kan Department of Agriculture para maseguro an food safety, binilog an Regional Food Safety Group kan ahencia dai palang nahahaloy.

An mga ahencia compuesto kan National Meat Inspection (NMIS), Bureau of Fisheries and Aquatic Resources (BFAR) Agricultural Training Institute (ATI RTC 5), Fertilizer and Pesticide Authority (FPA), National Food Authority, Philippine Coconut Authority (PCA), Bureau of Plant and Industry (BPI), asin Sugar Regulatory Administration.

Sa entrevista kan Bicol Mail ki Lovella Guarin, regional information officer kan DA Bicol, kan dai pa narerealisar an grupo an nangyayari nagkakaigwa nin kanya-kanyang programa alagad sa ngunian an DA Bicol iyo an mangengenotan mantang magkakaigwa nin regular reporting an lambang ahencia mapadapit kan saindang mga ginigibong espuersos.

Sinabi pa kan DA an saindang programa bilang mandato kan Food Safety Act of 2013 nganing mas maging epektibo an saindang mga programa asin aksyon.

An bagong grupo magiging katuwang kan DA Bicol sa mga programa sa kalinigan sa pagkakan asin pagtaong impormasyon mapadapit sa food safety and security.

Namukna an grupo kasunod kan Food Safety Awareness Week na pigponan ngunian na semana asin matatapos sa Oktubre 27, 2023.