Gabriela sararo pabor sa pagbuhay kan peace talks

Pinapaboran kan Gabriela an pagbuhay liwat kan peace talks sa pag-ultanan kan National Democratic Front of the Philippines (NDFP) asin kan Government of the Republic Philippines (GRP) para sa katuninongan kan nasyon.

Sararo an panindugan kan nasyonal asin lokal na Gabriela sa tahaw kan pighihimong peace talks sa congreso na tinutulod kan manlaen-laen na Partido political.

Ini an mga pahayag ni Ms. Jen Nagrampa pamayo kan Bicolana Gabriela mantang an saindang panindugan pigboses na ni Gabriela Partylist Rep Arlene Brosas sa paagi kan privilege speech sa sesyon kan Camara-Baja kan Deciembre 4, 2023.

Sinabi kan Gabriela an nagigin causa kan armed conflict, siring kan pagtios, injusticia asin iba pang mga naenot na nindang pigbibiklag sa publico sagcod sa ngunian iyo pa an angat kan mga Filipino sa gobierno na dapat tawan nin solusyon.

Dapat atubangon an importancia kan mga programa asin policia kabali digdi an programa asin resolberan an ‘‘armed struggle and the legal democratic movement’’, sabi pa.

An nangyayari sa ngunian envez tutukan an ugat kan pagtios tinatawan atensyon an mass surrender, na dapat an gobierno tawan prayoridad kun tano ta napipiritan an mga indibidwal maggamit nin armas.

Segun pa sa Gabriel saindang hinahagad sa gobierno na ipadagos si dating pigpirmahan, particularmente an Comprehensive Agreement on International Humanitarian Law (CARHRIHIL) na pinirmahan kan 1998.

Segun pa sa representante kan Gabriela, an negosasyon sa pang katuninongan kun an gobierno padagos nindang pigsasahotan na an mga nakikipaglaban sa economia, mga reforma asin deretso humano aapodon na mga terorista. ‘‘Hindi terorista ang pakikipaglaban para sa Karapatan ng mamamayan. Kaya’t sa kabila nito, dapat ibasura ang Anti-Terrorism Law, ibasura ang E070, buwagin ang National Force to End Local Communist Armed, at palayain ang lahat ng bilanggong pulitikal’’.

Huli kaini, nagtutubod sinda na dapat ipadagos an peace talks.

Sa Camara-Baja, burogkos an gabos na partido political nganing suportaran an kamawotan ni Presidente Ferdinand Marcos Jr. an iniciativo na magkaigwa nin katuninongan para sa unidad nasyonal. (DPAureus)

Tropa kan gobierno asin CPP/NPA naghahalat kan desisyon kun magkakaigwa giraray nin urulay pang-katuninongan. (9th ID)