ISLAW PALITAW

Tigsik ko an buhay sa kinaban

Madalion sana, minaagi lang

Marhay na gawi, gibohon aroaldaw

Kun mayo ka na iyong maroromdoman!

Tigsik an kada kaagahon

Iguang darang liwanag, paglaom

Maogmang magbangon, nakahuyom

Magigin magean an maghapon!

Tigsik ko si Unico Solitario

Solo-solo, mayong partidaryo

Yaon duman sa harayong disierto

An kaiba an sadiring anino!

Tigsik ko an Biyaheng Langit

An dalan madiklom saka hayakpit

Kaya dikit lang an nakakasabit

Tara na, ha lapagon ta an Last Trip!

Tigsik ko an pirming rutoy sa walwalan

Nunca makakaabot sa kalangitan

Pagpuli sa harong nagsusukamang

An  dalan na tanos dae manumpongan!

Tigsik ko po si Islaw Palitaw

Minatundag saka minalataw

Sa pagdiskarte dagusdagos lang

An buhay kaya weather weather lang!