L I G O

Tigsik ko po an gamgam na loro

Kun minabura paorootro

Kaya kun an pigsasabi salto

Nya! An sala pirming doblado!

Tigsik ko an gamgam na kagit

Nahiling ako, an rait: PANGIT! PANGIT!

Siling rimorimo saiya ko pighungit

Nagtangis, an sabi: HOW SWEET! HOW SWEET!

Tigsik ko an mga ogama

Paburotongbutong, pahirilahila

Daeng kataposan an burolyada

Ni saro mayong nakahawas sa hawla!   

Tigsik ko an hayup na combo

May nag-atungal, naghuni, nag-abo

Nadangog kan Hade sa Templo

Gabos pinapugotan nin payo!

Tigsik ko halas na rimuranon

Pakatapos na ini maghilomlom

Laomon mong ini maisogon

Sige an pangtukwag, aga, hapon!

Tigsik ko an malangsang Ligo

Pinakadimalas na sira sa mundo

Pinugotan na kan saiyang payo

Pigpreso pa sa latang selyado!