LOTTONG MACAO?

Tigsik ko si Congressman

May ataman na ukay

Siya pighingutohan

Nabasog, nagdirigay!

Tigsik ko si Solomon

Consultant sa Capitol

Naglangkaw an blood pressure

An buhok ruminogon!

Tigsik ko si Pilato

Aw, maurag sa trono

Rinadas kan trangkaso

Natada abo-abo!

Tigsik ko an ogama

Sa pahirilahila

Pirming yaon sa hawla

Butlog an mga mata!

Tigsik ko an talapang

Kan nag-ontok an uran

Pagkokak napondo man

Naggarantol an tulang!

Tigsik ko po an lotto

Hapot kan mga tawo

Ano ini totoo

O baka moro-moro?