Maghapot kita ki Father

Dear Father Bill,

Ano po an kakaiba kan Jubilee of Hope celebration this year?

Minagalang, Esperanza

Dear Esperanza,

An Jubilee of Hope, o an 2025 Jubilee, sarong celebracion kan Simbahan na Catolico na nagpoon kan aldaw bago an 2024 na Pasko asin mapadagos hanggang Enero 6, 2026.

An tema kan Jubilee 2025 iyo an “Pilgrims of Hope” (Mga Peregrino nin Paglaom). An tema nangangapodan sa mga tawo na magin mga manglalakbay na pano nin paglaom asin ihiras an pagtubod sa kadaklan.

Ano an katuyuhan kaini? An Jubilee sarong panahon na pinapanibago an paglaom sa tahaw nin pagsakit sa giyera, pagtios sa materyal na bagay, pagbago kan pangkinaban na klima, asin pandemia.

Ano an mga nagkapirang importanteng bagay na mangyayari sa Jubilee? Kabali didgi an mga canonizations ni Blessed Carlo Acutis asin Blessed Pier Giorgio Frassati; mga espesyal na mga actividad para sa mga padi, reliogioso, mga artists, mga parakawat, asin mga Catolicong influencers. Kabali pa sa mga actividad an pagpakaray kan mga dati ng proyekto, arog kan Gian Lorenzo Bernini’s bronze baldacchino sa St. Peter’s Basilica. Iluluwas din an kalendaryo nin spiritual, cultural, asin artistic events.

An Jubilee sarong celebracion na nangyayari kada ika-25 taon asin ini may basehan sa biblia. An papal bull na nagpo-proclamar kan taon 2025 bilang Jubilee sarong “Spes non confundit,” na nangangahulugan na sa “paglaom dai ka magbabasol.”

An Jubilee Year sarong taon na itinagama para madagka an mga tawo na mag-ayon sa mga pilgrimages, magsolsol sa saindang mga kasalan, asin magpatawad kan sala nin iba, asin pakarayon an pokus kan espiritwal na buhay.

An minagalang, Fr. Bill

* * *

Email me at: billparisadmu@gmail.com