Maghapot kita ki Father

Dear Father Bill,

Ano ta grabe an paggalang ta sa mga Santo?

Minagalang, Melecia

Dear Melecia,

An mga Santo modelo kan satong buhay sunod ki Jesus. Mayo saindang makakapogol maggibo nin maray aroaldaw. Sinda an minatabang sa satong mga pamibi sa atubangan nin Dios para magkaigwa ini nin kasimbagan. Alagad sinda bakong mga Dios, kaya dai kita nagsasamba sainda. Asin nin huli ta padangat ninda an Dios, pinaniwalaan sinda nin Dios nin mga gigibohon. Kaya sinda nagigin patron kan kan manlaen-laen na grupo, mga pangyayari, mga nagkakahelang, lugar, asin iba pa. Kaya aramon ta an kapangyarihan kan mga Santong pinagsusunod ta.

An mga Santo taga-pagdara nin pagkamoot. Nahihiling ninda si Cristo sa lambang saro asin sa kada sitwasyon. Kadaklan na beses nate-tentaran kitang baloson nin maraot an ginibo satong maraot. Kun mahanap mo an karahayan kan lambang saro sa gabos na oras asin naiiwasan ta an mga salang gibo, yaon na kita sa tamang dalan para magin Santo. Kun baloson mo nin maray na gibo an ginibo saimong sala, iyan mismo an gibong arog nin Dios.

An mga Santo tinutukdo sato na an pagkamoot iyo an pinaka-importante sa gabos sa buhay nin tawo. An buhay bako man an satong inaako o pagsarasadiri, bakong an mga trabaho na ginigibo ta, o an mga tawong bistado ta. An pinaka-importante sa gabos iyo an rarom asin pagkadakula kan pagkamoot mo sa Dios, sa kapwa asin sa saimong sadiri, asin kun paano mo ipinapahiling an pagkamoot na iyan sa gabos tang ginigibo.

An minagalang, Fr. Bill

* * *

Email me at: billparisadmu@gmail.com