Maghapot kita ki Father

Dear Father,

Ano po an tolong religious vows? Pwede man daw yan sunodon kan ordinaryong tao?

An minagalang, Patricia

Dear Patricia,

An mga prayle (friars) kan ika-13 siglo an nagtao kan ideya na an buhay kan mga religioso (religious sisters/brothers/fathers) binibilog kan tolong panata o sumpa (vow) na ini: kadukhaan (poverty), kalinigan nin puri (chastity) asin pagsunod (obedience). Ini an inaapod ngonyan na “Evangelical Counsels” o “ Counsels of Perfection. Ini an pig-recomendar ni Jesus sa iba, laen man duman sa pigtugon o pigsugo nya para sa kagabsan.

Alagad mayo man maraot kun an sarong seriosong Christiano na gustong magtalubo sa kabanalan isabuhay an “evangelical counsels.” Ining 3 virtudes na ini linilinigan an puso asin nagkakaigwa nin espiritwal na katalingkasan (freedom) na minamarkahan an buhay kan sarong consagradong tawong religioso. Sa pagsabuhay kan mga panata o sumpa (vows) na ini, natatawan sinda nin pagkakataon na maitaong entero an saindang atensyon sa Dios asin sa katawohan.

Inaapod “evangelical” an kadukhaan, kalinigan nin puri asin pagsunod huli ta sinda naka-depende asin nakaugat na gayo sa Evangelio (Gospel).

Miski bako kang madre o miembro kan sarong religiosong congregacion (religious congregation), sinabi ni Jesus na an tolong virtudes na ini para sa mga nagmamawot na magin orog na marahayon (“perfect”). Mas lalo kitang pinagrarani kaini ki Cristo asin magin mas arog Saiya na dukha, matinabang asin masinunod-sunod.

An minagalang, Fr. Bill

* * *

Email me at: billparisadmu@gmail.com