Maghapot kita ki Father

Dear Father,

Ano po an gustong sabihon kan ascension and assumption?

An minagalang, Pepito

Dear Pepito,

Ano an pagkakaiba kan Pagsakat sa Langit ni Jesus (Ascension of Jesus into Heaven) asin an Pagsakatan ki Maria sa Langit (Assumption of Mary)? An pagkakaiba kan Pagsakat sa Langit ni Jesus, an Kagurangnan nagsakat sa Langit sa saiyang kapangyarihan asin kabotan huli ta siya Dios. An Pagsakatan ki Maria sa langit iba man. Isinakat siya sa langit sa kapangyarihan nin Dios. Isinakat siya sa langit.

An Pagsakatan sa Langit ginigiromdom an pagtubod na kan si Maria, an Ina ni Cristo, nagadan, an saiyang hawak “isinakat” sa langit tanganing makasaro giraray sa saiyang kalag, imbes na mag-agi ini sa natural na pagkalapa kan hawak pagkagadan.

An biblia nagtatao nin kaisipan manonongod sa pagsakatan sa langit, pinapahiwas kun paano maipapahiling sa pagtubod, pakasabot asin gawe. Ining pag-saliksik na ini  minalampas pa sa pakasabot kan boot sabihon kan pagsakatan sa langit bilang gawe nin pag-ako kan sarong bagay bilang totoo na mayong  pruweba, minairarom pang maray sa espirirwal asin moral na mga kahulugan.

An pagsakat sa langit ni Jesus, sa Cristianong pagtubod, ika-40 aldaw pakatapos kan pagkabuhay-liwat (An Easter hinihiling bilang pinakaenot na aldaw). An Fiesta kan Pagsakat ni Jesus Langit kararaya kan Christmas, Easter asin Pentecostes sa kadakulaan kan pag-celebrar kaini sa kadaklan kan mga Cristiano.

An minagalang, Fr. Bill

* * *

Email me at: billparisadmu@gmail.com