Makusogon An Luya Kan Naga

Bakong makangalas kung may mga Naguenio na kung pig hahapot kan mga taga ibang lugar tungkol sa pagiging awardee kaini, interong nagkukuspa sa pagkasuya ta kadakol nin problema sa pagbuhay an mga konstitwentes. An boot sabihon harayo na marhay para apodon an Naga komo livable city. Sigun sa mga nag sosoromo somo sa baha tuyong nagbabagunas an uran o igua nin bagyo, dai daa ninda kaipuhan an “ Component” asin “Transparency” na pig gagara-galleta kan ibang mga gobernantes ta an mga English na iyan dai nanggad nasasapa, dai nakakakan asin dai nakaka ha’was kan saindang pagtios. Nuarin daw magkaka igua an City Hall nin award na “Most Employed City”, “ Most Livable Area”, “Most Clean and Green” asin lalo na an “ Most Honest City” Sigun ki Zimo, paratienda nin mahamison na ice cream sa Zamora, suyado na siya kadadangog kan “ Most Component City” ta dai iyan nakakatabang sa paglupyak kan bituka kan saiyang familya. Magpoon pa kan mga inot na liderato kan Naga, dai nanggad nagka igua nin pagbabago an pagbuhay sa Naga, ta an tios lalo pang nag tios. An mga madalagan nin Alkalde sa Naga sa maabot na 2025, siguradong gaga’noton sa kasisimbag sa mga hapot kan mga taga Naga, arog kan hapot na “ kan an saimong familya nagkapot nin poder sa Naga, ano lamang an saiyang naginibo tanganing makaha’was sa pagtios an mga tawo. Sarong palatandaan kan kawaran nin job opportunity sa Naga, iyo an pag lobo kan mga para padjak, kawasa mayo nin malaugan nin trabaho. An mga dapat simbagon kan mga madalagan Alkalde sa Naga, iyo an hapot na, ano an magiginibo mo tanganing mahali an problema sa goromok na trafiko sa Naga. Dai nanggad puedeng sabihon kan mga opisyales sa City Hall na an pagka igua nin mga Negosyo sa Naga, iyan dahil sa saindang espuersos, ninhuli ta an pagrambong kan Negosyo sa Naga, kagibohan kan mga negosyantes asin sarong naturalisang pangyayari ta an Naga sarong importanteng lugar sa Pilipinas ta saro ini sa apat na lugar na inot na pig bisto kan espanya. Sa tribuna sa eleksyon sa 2025, dapat ihapot sa mga kandidato sa pagka Alkalde asin pagka Congressman, kun ano an saindang gigibohon tanganing an Naga, makaresibe nin award na an titulo “ Most Employed City” asin “Most Livable City” ta an mga boladas na “Component” dai nakakakan asin an saro pang boladas na “Transparency” sarong hambog ta iguang nagkakaperag opisyal na bako man talagang transparent ta dai man ngani nagpapaliwanag kung papano sinda nagkaka igua nin mga mala palacio na harong asin sain nagkukuang perak para mamuhay nin sobrang kasaganaan nin buhay, harayo sa