Laos na Artista

Tigsik ko an tiempo kan karampanyahan

Yaon na! Banwaan buhay na buhay

Makolor an kapalibotan

Arriba, arriba, garo nang karnabal!

Tigsik ko an lider kan politico

Wow! Ayos man an pakaatado

Sa pagsunod sa santo santito

An saiyang bulsa pirmi nang paldo!

Tigsik ko an ibang taga Media

An hasang pirmi na pong mapupula

An kalag nag-aalimpasay pa

Sa boss daeng hutahot an alleluia!

Tigsik ko po kamong bobotante

Dae pagseryosohon an mga “survey”

An kadaklan dinoktoran, mga peke

Pangparibaraw sa saindong kukute!

Tigsik ko an nakalatag sa tarpaulin

Masimpil sa satuyang paghiling

Candidato garong mga anghel

An totoo, mga devil-devil!

Tigsik ko ining laos na artista

Atat na atat sa politica

Desperadong magkulimbat nin kwarta

Nagbayle, comedy, makasuka!