Manga opurtunistang negosyante pinatanidan

An Department of Trade and Industry (DTI) nagpatanid sa mga negosyante na magsunod sa pig-iimponer na price freeze sa basic necessities nganing mayong atubangon na penalidad sa tahaw kan gabos na LGUs sa Camarines Sur nagdeclara nin state of calamity huli sa dakulang destroso kan bagyong ‘Kristine’.

Si DTI Provincial Director Jay Ablan nagtutubod na aram na kan sektor negosyante an pulisiya kan gobierno mantang base sa DTI-Consumer Protection Group, an publico liwat pinapagirumdum kun nasa estado nin calamidad, an Price Act mandato an 60 diyas na automaticong price freeze sa mga produkto siring kan mga delata, instant noodles, bottled water, tinapay, gatas, coffee, candila, sabong panlaba asin iba pa.

An rehiyon Bicol apektado kan nakaaging calamidad na haros gabos na provincia nagdeclara nin state of calamity nganing magamit an saindang mga calamity fund para matabangan an mga residentes na kaipuhan an ayuda siring kan mga pagkakan.

Dawa na ngani yaon an DSWD alagad kaipuhan gamiton an calamity funds.