MAYOR PAGHANAPON

Tigsik ko si Perfecto Imperfecto

Mapaghanap kan raot kan mundo

Kan nagkagaw kan sadiring payo

Naglayog sangribong mga kuto!

Tigsik ko an ugaling sa Agta

Pirning ubos-ubos an biyaya

Nya, pagkaaga, nakatungnga

Maghapon tihaya, malalata!

Tigsik ko an Barangay Ginebra

Alas diez pa sanang pagkaaga

An mga istambay lamulamo’ na

Grabeng amats, kinaban baliktad na!

Tigsik ko an tawo-tawo sa posporo

May payo kuta alagad kalbo

Kan nag-irinit na an sentido

Nagkaralayo, pugot an puro!

Tigsik ko an Kastilang bagla

Sunodsunod an tagay kan tuba

Kinabigkabig pulutan na sira

Yakkk, sa simbahan nagdirigwa!

Tigsik ko si Mayor Paghanapon

Facil dulokon, deficil dakopon

Malinikay, sus, warawaraon

Garong talusog, ayyy! mahalnason!