NCGADC bilang sarong division kan CMO, yaon na sa ikaduwang pagbasa

APRUBADO na sa ikaduwang pagbasa kan plenaryo sa Sangguniang Panlungsod kan Naga an pagbugtak nin Naga City Gender and Development Council bilang sarong dibisyon sa irarom kan City Mayor’s Office.

Segun ki Konsehal Gayle Abonal-Gomez na nagpanday kan ordinansa, magiging lead division an NCGADC sa pagseguro na naipapautob an mga proyekto asin programang may kinaaraman sa gender and development mantang masibre pa man liwat bilang secreatariat kan Naga City Council for Women. Alagad natungkusan ni Konsehal Lito del Rosario na dapat malinaw nanggad na nakapalaman ini sa ordinansa huli ta pareho ini kan papel ngonian kan City Planning and Development Office asin City Budget Office.

Lakdang ini tangani maibitaran an tuklingan nin responsibilidad sa maabot na panahon paliwanag pa ni Del Rosario bagay na rekonusido man ni Gomez.

Obheto kan ordinansa na makakrear nin suhay na opisina o departamento bako sana bilang sarong dibisyon sa ngonian.