P8-M na lorry boat kan MNWD, kinaralas na

Garo man sanang nagpaatong nin milyones pesos sa Bicol river an Metropolitan Naga Water District (MNWD), sa Ciudad nin Naga kan dagos nang kinaralas si lorry boat perang bulan nang nakaagi na proyecto kan mga dating administrasyon kan water district mala ngani inapod pa kaidto na ‘ghost project’.

An pinagibong lorry boat ginastosan kan manijamiento nin abot sa P8-M binasbasan antes kan termino ni dating General Manager Virgilio Luansing. Alagad sa panahon niya nakakua nin maritime permit nganing maging operational asin magsuplay nin tubig sa mga barangay na nasa gilid kan salog.

Si lorry na hinaklas sa barato na ginagamit na sa lorry truck sa pagwaras nin tubig sa mga barangay na kulang an suplay nin tubig.

An desisyon kan manijamiento ni General Manager Florencio Mongoso Jr. huli ta mararaot man sana kun papabayaan na pataw-pataw sa tubig kan Naga River asin magamit pa an lorry.

Ini an mga pahayag sa Bicol Mail ni MNWD spokesperson Jesus Salvador ‘Chopy’ Dela Cruz huli ta kan maging operational an lorry boat kan nakaaging administrasyon nalulugi o mayong ‘‘return of investment’’.

Laen pa kaini, pinacancelar na kan MNWD si maritime permit nganing dai magparabayad taon-taon na dai man nagagamit, sabi pa ni Dela Cruz.