PAMILYANG TANGGURANGAN

TIgsik ko an mga banal na tropa 

Bago nagfile COC, nagsirimba muna

Nagngayongayo, nakapirong an mata

Sana all, kami manggana, awot pa!

Tigsik ko an early filing policy

Dakulang pabor sa mga bobotante

Pagduno sa candidato sige-sige

Mayong pinipili, aldaw o banggi!

Tigsik ko an pagtapsok sa pirilian

Kun mayo kan pirak, dae na lang

Ika nganga pag-abot sa birilangan

Mawagak an sipon sa kangkongan!

Tigsik ko an bobotante saka polpolitico

Kun sindang duwa pinagsaro mo

Diskarel an dalagan kan gobyerno

Kawasa an bobotante, estupido, tonto!

Tigsik ko an dakol na namamanwaan

Santayan, hababawon an kaogmahan

Kun an sangribo sa angog itapal

Naduduling, sobra an alimpasay!

Tigsik ko an pamilyang tanggurangan

Pagtapsok sa politica pigmakuapoan

Magpoon kaito hasta nuarin pa daw?

Politica ginibo nang gatasan!