ParSU nagconducir nin Mock Election

Ni Sonny Malate

Pigconducir an sarong mock election kan Radiance, official student publication kan Partido State University (ParSU) na an main campus yaon sa Goa, Camarines Sur. 

An mock election, Pulsong ParSU 2025, ginibo kan nagtalikod na semana katakod kan midterm elections sa Mayo. Ini may 522ng respondents hale sa pitong campus kan ParSU sa Partido Area.

An survey naggamit kan stratified sampling method, may comprehensibong representasyon kan gabos na campus kan ParSU sa distrito. An e-ballot exlusibong naacces  kan mga bona fide na estudiantes kan universidad. 

An survey naggagarantiya na legitimong estudiantes an  nagparticipar asin iguang margin of error na 14 16%. 

An datus nagresulta sa 91.8% para ki Bong Rodriguez; 3.45% man ki LRay Villafuerte. Para congresista, 72.4% ki Arnie Fuentebella, 5.9% ki Marco Gumabao. Board member, 49.6 ki JJ Pilapil, 44.3% - Emmanuel Llaguno asin 16.7% ki Virgilio Panuelos.

An anom na nangengenot na senatoriables iyo sinda Bam Aquino, Luke Espiritu, Heide Mendoza,  Francis Pangilinan, Leody de Guzman asin Willie Ong.

Mientrastanto, sa ginibong survey sa 1,300ng respondents kan Febrero 12-16 kan Pulso ng Camarines Sur na pigpost kan Bicol News, nagresulta sa 89% para ki Villafuerte, 5% ki Rodriguez mantang may 6% undecided.

Siring man, an RP Mission and Development nagconducir nin survey sa 1,800ng  respondents kan Febrero 5-7. Reaulta- 80% ki Villafuerte, 10% ki Rodriguez asin 10% undecided.

Maroromdoman na kan mga nagtalikod na semana, an mock election para sa maabot na midtern election  kan The Spark, official student publication kan Camarines Sur Polytechnic Colleges, Nabua, Camarines Sur, an nagcausa nin controbersia. 

Ini nin huli sa mainit na reaction ni Cong. LRay Villafuerte,  nag-aaspirar bilang gobernador kan Camarines Sur na soboot  peke an ginibong survey. An resulta kan survey nagpahiling na abantedo an nakuang boto ni Rodriguez.

Bilang pagsimpatiya kan pag-iribang campus journalists, an The Spark nakaguno nin pakisumaro kan iba-ibang campus paper kaiba na an Radiance asin advocacy group arog kan Rappler, NUJP asin iba pa. 

An katiriponanan na ini sararo sa pagcondenar ki Villafuerre sa ginibong soboot cyberbullilying asin directamenting atake sa press freedom

Mientras na nagrarani na an medterm election, an mga individual na nagtutubod sa mga derechos asin matanos na proceso na piggagarantiya kan  Constitution an naglalaom na magiging matuninong, honesto asin patas an gigibohon na pirilian.