Plaso sa pagkua kan SSS UMID cards sundo nalang sa Dec 29

Limitado na an aldaw kan mga miembros kan Social Security System (SSS) nganing kuanon sa sanga kan ahencia an saindang Unified Multi-Purpose Identification (UMID) cards hasta sa Deciembre 29, 2023.

Kabali digdi si mga nag-apply poon kan Agosto 2017 hasta Deciembre 2020 alagad pakatapos kan plaso, an mga ‘unclaimed cards’, maging si mga pinaagi sa Philippine Postal Corporation (PHLPost) na binalik sa SSS sa nagkaduwang beses nagpalyar apesar kan pagprobar na darahon sa saindang residencia igigilid na sana base sa SSS retention policy.

Tanganing maseguro an status kan saindang UMID card application, an miembros inabisohan kan ahencia na mag-log in sa My.SSS Porta; account at www.sss.gov.ph, asin i-click an UMID/SSS IDS Details sa lindong kan ‘‘MEMBER INFO’’ tab. Sinabi kan SSS kun an transaksyon status magluwas na ‘‘Card Generated’’, an miembrs puedeng magpasiring na sa sanga kan ahencia kun saen saindang UMID application naka-filed.

Pig-anunciar pa kan SSS na sainda nang ka-partner an Philippine Statistis Authority nganing magsaro na sinda sa PhilSys sa pagproceso kan saindang serbisyo asin kabali digdi an issuance kan kaparejong ATM-enabled SSS card para sa mga aplikante.