PROTESTA VS SONA

Pinangenotan kan BAYAN Camarines Sur an protesta kan progresibing grupo antes gibohon an State of the Nation Address ni Presidente Marcos kan Hulyo 22, 2024. Saindang pigkukurahaw an mahal na presyo kan bagas, dagdag na ayuda sa paraoma, haen na an Pambansang Pabahay, langkawan an sueldo kan mga trabajadores sa pribadong sektor, kawaran nin trabajo, asin saro sa nagluwas sa placards iyo an ‘’Palayasin ang China at US’’. Dinagos an protesta sa Plaza Oragon, Ciudad nin Naga dawa binaragat kan mga awtoridad si mga delegado hale sa Rinconada area, Partido area asin iba pang distrito kan CamSur. Kabale sa kahurotan kan BAYAN CSur na dapat ibasura na an NTF-ELCAC kabale an Civil Military Operations kan AFP.