PU-LI-TI-KA

Tigsik ko an puwestong elehido

Habong bayaan kan pamilyang nasa trono

Tanganing an poder sainda nakacentro

O huli sa kukurakoton na fundo?

Tigsik ko an political dynasty

Haloy nang nagdadanay, a sad reality

Puwesto inalamusa kan sablok na family

Kaya an Pinas paatras, imbis paabante!

Tigsik ko kamong mga bobonte, aw Diyos mo!

Santayan, magbarago na po kamo

Kadakol na mga polpolitico an nasa puwesto

Huli saindo, mga estupido, tonto!

Mga candidato ngonian tigsik ko man

Sa social media sige an alimpasay

Nagpapapansin, nagpapa-epal

Tibaad pa daw makasawisaw!

Tigsik ko an candidatong gurang

Harayo pa ngani an pirilian

Mga alipores nagtataragbangan

Kawasa an rapak daog pa an sagmaw!

Tigsik ko po ining  pulitika, 

PU- purisawon ka dawa an election harayo pa

LI- liodan ka kun bako kan ka-tropa

TI- tinohon ka pero kaito ika dedma

KA- kaban kan kuwarta lilimason, maraya ka pa!