SA 9TH ID: Central Committee kan CPP, gaba na

Poon na bawian nin buhay si Jose Maria Sison kan 2022 digdi na luway-luway na nagaba an Central Committee kan Communist Party of the Philippines (CPP) sagcod na nagkanya-kanya nang direksyon.

Ini an mga pigbuyagyag ni MGen Noeh Alberto Peñafiel, bagong pamayo kan 9th Infantry Division kan Philippine Army sa Bicol sa saiyang pag-atubang sa miembros kan media sa paagi kan Kapihan sa Bagong Pilipinas na ginibo sa kampo kan militar sa San Jose, Pili, Camarines Sur kan Martes, Agosto 13, 2024.

An komite na componido nin 52 na lider kumunista sa pamamayo kan saindang founder Chairman Joma Sison an iba sa sainda huli ta gurang na binawian nang buhay, nagsadiring harale mantang dai na makahiro huli ta mayo na an saindang pinakalider kan CPP na dagos nang mayong nagribay, sabi pa.

Huli kaini, apektado an grupo alagad kun igua pang operasyon an CPP/NPA digdi sa Bicol nagsasadiri nang desisyon.

Sinabi pa kan 9th ID an dikit nalang natatadang rebeldeng NPA paralisado na kun igua man envuelto na sa ‘‘extortion activities’’.

Pinahayag pa saro na sanang guerilla front an nagdadanay sa rehiyon Bicol na dai na makalansar kan saindang opensiba kun igua man nasa 12 na sanang miembros kun dating 20 armadong rebelde.

An saindang founder na si Joma nagadan sa edad na 83 anyos huli sa helang sa puso sa Utrecht, Netherlands kan Deciembre 16, 2022.