SA LOCAL ABSENTEE VOTING SA NAGA: Mga miembros kan PNP iyo sana an nagrehistro

Manga miembros kan Philippine National Police (PNP) an nagpalista sa Commission on Election sa Ciudad nin Naga nganing makaboto sa eleksyon sa pigtalaan na Local Absentee Voting (LAV) na gigibohon an borotohan sa Barangay Sta. Cruz Elementary School poon sa Abril 28, 29, asin 30, 2025, alagad mayong hale sa media practitioner.

Si Abogado Maico Julia Jr. Election Officer kan Ciudad nin Naga nagsabi si mga miembros kan AFP an venue sa Camp Elias Angeles, sa Barangay San Jose, Pili, Camarines Sur.

Mayong nagpalista hale sa miembros kan media huli ta mawot nindang makaboto sa mga candidato lokal.

Andam na an gagamiton na Automated Counting Machine (ACM) asin board of election inspector na maserbe sa LAV.

An Local Absentee Voting tinutogotan sa grupo nin indibidwal na makaboto antes kan aldaw nin eleksyon kabale digdi an arin man na opisyales kan gobierno, empleados, uniformed personnel of Armed Force of the Philippines asin Philippine National Police maging hale sa media practitioners na madedestino sa ibang provincia o lugar sa gigibohon nindang coverage sa eleksyon.

An cada botante sa LAV tinutogoan sanang makaboto sa mga national positions siring kan senador asin party-list representatives.

Si mga participantes sa LAV nagrehistro na kan Marso 17, na iyo an pigtaong plaso kan Comelec.