SI TILIBONG, SI TILIBONG!
- Bicolmail Web Admin
- 6 hours ago
- 1 min read
Tigsik ko po an banwaan ni Juan
Mientras na an masa nagkakarawkawan
An mga Bossing hayahay an buhay
Sa ibang naçion nagpapasiramsiram!
Tigsik ko an mga panatiko
An saindang paghiling direderecho
Dawa bokbokon an santo-santito
Pig-aalleluia, balisngag an payo!
Tigsik ko si Lola na bilyonarya
Ganid an pamilya sa politica
Sablok pa sa dagang iniktarya
Nag-iritom an palibot kan mata!
Tigsik ko an magturogang na urag-uragon
Sa TV rapakan, malupiton
Huna mo an gibo malinigon
Santayan, kun magkabig milyon milyon!
Tigsik ko man an agila kuno
Sobrang atat makatugdon sa trono
Dagos na garong mapatrangkilo
Kun dae maremate kan Senado!
Tigsik ko si Tilibong, si Tilibong
Kan nagklase nagparaburadol
Sus, nangbudol kan bilog na nacion
Sa puwesto sobra an pagkabungol!
Recent Posts
See AllTHE shadow of devastation looms over the National Capital Region and nearby provinces, as experts warn that “The Big One”—a magnitude 7.2...
AS temperatures continue to rise, the threat of heat-related illnesses becomes a serious concern. Whether commuting, working outdoors, or...
Comments