Tigsik

Tigsik ko ining panahon nin kapaskuhan

Nakadelihensiya, an ibang brgy. kapitan

Ta an ibang pamaskong ayuda pigkupitan

May pangbariwas sa masunod na pirilian

Tigsik ko kun nagseselebrar kita nin Pasko

Kadakol nin kakanon, inumon, mga regalo

Pagkatapos kan okasyon makulog an payo

Sa mga partihan, kontento, nagpahinggusto

Tigsik ko kun an buhay sa kinaban maribok

Alagad kun dai nin gubot, dai makakanuod

Sa pakanuod, buhay mababago nanggayod

Minamawot na buhay siguradong maaabot

Tigsik ko man an mga tawong an isip kipot

An mga problema, pigpaparaisip nin higot

Kaya pirming hadit, na dai na napapaturog

Kund dai nagtuturog, marararaot an hutok

Tigsik ko ngunyan an igwang mga sambay

Sa pananao nin regalo ribong nang marhay

Si para sa piday, naitao pa sa agom na tunay

Kaya kan mabuklo piglamag biyo nin samurai