Tigsik

Tigsik ko ngunian ining bulan nin Marso

An bulan nin paglikay kan gabos sa kalayo

Orog an kalayo na hali sa hawak nin tawo

Sa sobrang init, omboy baga an nahihimo

Tigsik ko man mga may ataman na hayop

Kun may nawawara, abang kulog sa buot

kaya kuta na kun may mga ido na nasisiud

Mga may sadiri tawan panahon na matobos

Tigsik ko kun an sarong lugar igwa nin salog

Kun malinigon an tubig pwerte an pagladop

Bakong arog kan Salog Naga, tubig malibog

Paglangoy, mahawas may bulawan sa angog

Tigsik ko man an covid ngunyan na panahon

Pagsulot nin facemask, pweding dai utubon

Orog na an ipigpapautob na sa ibang nasyon

An may facemask pa daa, papagmultahon

Tigsik ko an pagkagadan, na grabe an kulog

Kun an dahilan iyo an hazing, pambabanog

Brotherhood daa alagad ano ta pigkakadog?

Si mga nambanog mahinguragan man logod