Tigsik

Tigsik ko, pagbasa nin Biblia kun napepreso na

Sa mga tataramon nin Diyos nakagirumdom na

Siguro kun nakabasa na sa eskwelahan pa sana

An languban o presuhan dai na aabuton ninda

Tigsik ko an problema sa droga kan nasyon ta

Na sagkod ngunyan dai nasosolusyuna talaga

An mga “pusher, drug lord” namamayagpag pa

Makahihirak, an mga hobenes na nabibiktima

Tigsik ko an kampanya kontra iligal na droga

Na naghihinguwa mga myembro kan pulisya

Mga opisyal nin gobyerno, mga kahimawa ta

Peligro sa mga krimen makakahawas na kita

Tigsik ko pa ining mainit na bagang panahon

Paglikay sa kalayo dapat nanggad na utubon

Orog sa init nin lalaki, babaying durat, gitilon

Mga harong nin mag-aragom pweding suluon

Tigsik ko man ini bagang panahon nin tig-init

An tama kan saldang malanitonon sa kublit

Mapanuson na parong kan ganot nakakauyit

Kaya an “tawas powder” iyo dapat an ipahid