Tigsik

Tigsik ko ining makaurag na nasyon na Tsina

Porsigido, ibang parte kan kadagatan ta makua

Masdan, mga pagbaha na nangyayari sa inda

An pig -aanab na dagat, yaon na sa inda dinara

Tigsik ko man an ibang opisyales nin gobyerno

Naghingowa na makapwesto bako sa serbisyo

Kundi an makabwelo sa sa indang mga negosyo

Arog kan imbwelto sa mainit na isyu sa POGO

Tigsik ko ining iba sa mga pulis daa na naman

“Suspect na killer,” sa kandidata nin pagayunan

Kaya paano pa makalaom na an namamanuaan

Sa indang mapagserbihan asin maproteksyunan

Tigsik ko an kadaklan sa satong mga kahimanwa

An manungod sa Diyos nalilingawan ninda baga

Ta puro na sana pagpapayaman an pighihinguwa

Na kun sinda Magadan, dai man ninda madadara

Tigsik ko ngunyan an mga senyor na o guragod

Na sa sa indang hawak, golpi nang makukulog

May mga tapal sa dapan, igwa pa sa mga tuhod

Igwa pa giraray, mga dahon na dapog sa angog