Tigsik

Tigsik ko an ibang nasa kongreso, senado

Na sa mga pag-imbestiga saro sa mga gibo

An mga buhay ninda nabubugtak sa peligro

Ta kun kun may naliligis na mga poderoso

Tigsik ko ngunyan an mga isyung makaurag

An pagpeke nin sertipiko nin pagkamundag

Tangani na, an mga dayuhan mamayagpag

Sa nasyon ta, maghadi-hadian na nanggad

Tigsik ko man ining syudad tang maogma

Tutuo man an sabi na, Nagayon na talaga

Pero kun maglibot-libot sa ibang lugar pa

Dai pa Nagayon orog an iba pang bangketa

Tigsik ko an mga Tsinoy sa panahon na ini

An mga kamugtakan ninda makatorotreste

Sa mga kasalan kan saindang president

Nadadamay an mga residenting inosente

Tigsik ko an mga nagyayari na sa kinaban

Nagpapagirumdom sato an Kagurangnan

Magbago na sa paggibo nin mga kararatan

Ta kun dai, impiyerno na an papadumanan