Tigsik

Tigsik ko ining gigibuhon na karasalan

Na an isponsor daa an ninong ng bayan

Pirang padis hali sa beinte syeting brgy.

Sa Syudad nin Naga, Nagayon na tunay

Tigsik ko kun igwang minaaging bagyo

Sa mga residentes, grabe an perwisyo

Buhay , pagrurugaring golping distroso

Mga gamit sayang kun dai naaasikaso

Tigsik ko man an mga lugar na hababa

Kun minauran tulos man na minabaha

Dapat magpagibo nang baroto, bangka

Magbota tanganing an bitis dai Malapa

Tigsik ko pa an mga binabaha na lugar

Ginigibo kan mga aki ining lamutawan

Dai pig-iisip an makukua digding hilang

Dapat mabantayan kan mga magurang

Tigsig ko an dahilan nin mga pagbabaha

Kakahuyan sa kadlagan pinupurutol kaya

Nin mga tawong an kapasluan, pangana

Dai nang proteksyon sa pagtiris nin daga