Tigsik

Tigsik ko ining sarong alkalding suspendido

Na nagsagin- sagin na siya sarong Pilipino

Pigsahutan, imbwelto siya sa iligal na POGO

Kaya sinangatan nin manlaen-laen na kaso

Tigsik ko inin mga traydor na Pilipino kuno

Alagad mas pinapaboran ining mga Tsino

Mala ta pinadulag an alkalding suspendido

Ta nasuhulan daa nin milyon-milyong piso

Tigsik ko an mga traydor na Pilipino baga

Na nasuriaw talaga sa kinang nin kwarta

An WPS ta, pigsakop, pig-ako na kan Tsina

Dahil kan mga hudas na nasa gobyerno ta

Tigsik ko an ibang myembro ka PSO, Naga

Pagreparuhon man an iba sa mga bangketa

Na sakop nin mga kakanan, tindahan iba pa

Kaya an mga nagraralakaw nasa tinampo na

Tigsik ko pa ining salog kan syudad nin Naga

Na an kolor, an parong an ati grabe na talaga

Alagad nin huli ta igwang paabuton na piyesta

Iyo pa sana an pakairisip na palinigan na daa