Tigsik

Tigsik ko an mga wanted sa iligal na POGO

Na ipig atubang na sa pagdangog sa senado

Ipigdetalye na kun paano sinda nakaeskapo

May pagkaaraman an mga traydor na Pilipino

Tigsik ko man ining panahon ta sa ngunyan

Kun ano ta siring na, dai ta na naiintindihan

Na kun tig-uran ngana na man kun minauran

Tig-init na daa, an init labi-labi nanggad man

Tigsik ko an gobyerno ta na may kapalpakan

Kun tig-uran na saka pa sana nagkakairisipan

Na an mga kanal, imburnal kalkalan, palinigan

Mahalat pa kan ayuda kan mga nanunungdan

Tigsik ko ining panggana nin bulawan ni Yulo

Golping nagtao nin kwarta, harong asin auto

Si soldados naputulan muro dahil sa serbisyo

Inda kun nakaresibi nin dawa na pakonswelo

Tigsik ko man an kadaklan sa mga estudyante

Grabe an pag- ogma kun suspendido an klase

Sa pagkawat nin mga gadgets,asin iba pa libre

Dai ninda pig-iisip, sinda man sana an pyerde