Tigsik

Tigsik ko an kadaklan kaining mga pulitiko

Amay pa man nakakuriyat na mga retrato

Tangani naman banwiton an mga maboto

Sagin man ma ” greeting” sana man kono

Tigsik ko man kun madali na, vida pulitika

Mga pulitiko nagigin balingbing na talaga

Kaapil pa sana ngunyan kalaban na sa aga

Kaiwal pa sana suodma nguyan kaapil na

Tigsik ko an mga Pinoy na sobra nang paoy

Pag-imbistiga sa mga peking tsinoy haloy

Sa mga kaputikan biyo na kitang nauumoy

Ta gusto na gibuhon an mga Pinoy na tikoy

Tigsik ko pa ining karerebukan sa kinaban

Iba-ibang nasyon grabe na an pagralaban

Mga apektadong tawo makaheherak man

Orog na an mga gururang na asin kaakian

Tigsik ko an mga pulitikong dai nin supog

Mga gibo sa namamanuaan puro maraot

Hona ta nakabuhay golping ginadan logod

Pagkandidato liwat, lalaogon abang hibog