Tigsik

Tigsik ko an mga ginagawi ta na makauuyit.

Pigseselebrar ta bagong taon kan mga singkit.

Na sa kapwa ta Pinoy mga maringis, makuris,

Mga teritoryo kan Pinas pig-iikit ninda nin pirit.

Tigsik ko ining mga singkit o an mga tugalsik,

Sa nasyon ta dapat na sindang mapatalsik.

O kaya ibala sa paltik kaiba an mga panatik,

Na mga pulitiko, kababayan tang makaintsik.

Tigsik ko man an iba sa mga kahimanwa ta,

Na sa mga tugalsik anggot man ngaya sinda.

Alagad napupurisaw pagparadalan pelikula,

Pagparatelenobela, nababangkag na talaga.

Tigsik ko pa ining nag-iinit nang bida pulitika,

An ibang pulitiko nagpupuon na pagplatika.

Na rarauton an kalaban na kandidato ninda,

Bako iyong matohon an sadiring plataporma.

Tigsik ko man ining pirilian na nagrarani na,

Mga opurtunista an ngisi abot na sa talinga.

Ta sa kada pulitiko minahagad sinda kwarta,

Pagkatapos kan eleksyon dai man pinagana.