Viaje kan PNR Bicol nagbalik na poon kan Noviembre 4

Nagbuelta na an operasyon kan Philippine National Railways (PNR) poon kan Lunes, Noviembre 4, 2024 matapos kan pagragasa kan bagyong Kristine kan Oktubre 22, 2022.

An pagpadagos kan viaje matapos kan ginibong mga clearing operation kan Engineering Department sa linya kan relis kan perrokaril haling Albay hasta sa Camarines Sur.

An rutang Lucena hasta Calamba alas 5:00 nin aga; sa rutang Legazpi hasta Naga mahaling alas 4:49 nin aga mantang an Naga hasta Sipocot mahaling alas 5:00 nin aga asin alas 10:40 nin aga asin Naga hasta Sipocot alas 6:50 nin aga.

Pigseguro kan manijamiento kan perrokaril na antes kan pagbuelta kan viaje dapat malinig an aagihan na relis mantang an ibang mga lugar inabot nin tubig baha asin igua man na walat nin basura matapos kan nakaaging calamidad.

An commuter train perang aldaw hinanap kan regular na pasaheros huli ta makaskas an viaje asin barato pa an flete kumpara sa mga pampasajerong jeepney asin bus.