Winners sa NAGAYON 365 photo, reel contest, i-aanunsyo sa Oktubre 21

PUON sa kakanon, mga magagayon na eksperiyensya, mga tanawon o lugar na pwedeng bisitahon sagkod sa manlaen-laen na aktibidad na pwedeng gibuhon sa syudad nin Naga an isinumiteng mga entries sa Nagayon 365 Photo and Reel Contest kan Naga City Tourism Office. Bako sana sa visuals, kundi magin sa pagpahayag nin istorya sa caption nagpatiribayan kan saindang entry post sa social media.

Alagad kan Lunes, Setyembre 30 pormal nang isinarado an pag-ako kan entries para digdi. Naghahalat na sana an anunsyo kan Tourism Office sa mga manggagana na makakaresibe nin 10,000 pesos an 3rd place, 15,000 pesos naman an ika-duwa, asin 20,000 pesos an 1st place. An mga manggagana i-a-aanunsyo sa Oktubre 21 ngonian na taon.