WORLD’S GREATEST LOVE TEAMS

Tigsik ko si Eba saka si Adan

Pigtentaran kan halas na hamagan

Masiram na mansanas pigtanaan

Yak, ta nagbara sa halanuhan!

Tigsik ko si Romeo en Juliet

An mundo sa sainda super lupet

Naglaslas huli sa namateng pait

Natetanus kan taklaon na Gillete!

Tigsik ko si Florante at Laura

An mundo makuris po sa duwa

Pakatapos bugkosan nin cadena

Iginapos pa duman sa plaza!

Tigsik ko an macho na si Samson

Solterong gamais, mangalason

Nasirip si Delilah mayong kalson

Santayan, ta gusto nang mag-agom!

Si Jane saka si Tarzan tigsik ko man

Dati hayahay sa kabukidan

Kan nag-abot an mga illegal

Naremate an saindang paiplian!

Tigsik ko man si Mister en Misis

Sa tahaw kan pagtios asin hadit

Kada banggi si Mister makulit

Nya! An ganancia doceng aking malnourish!